پسند کی شادی سے متعلق چیف جسٹس قاضی فائز عیسیٰ کے ریمارکس پر وضاحتی بیان

ویب ڈیسک

بدھ, ۲۷ ستمبر ۲۰۲۳

شیئر کریں

چیف جسٹس پاکستان قاضی فائز عیسیٰ کے فیملی کیس میں پسند کی شادی کے بارے میں ریمارکس پر وضاحتی بیان جاری کردیا گیا۔سپریم کورٹ کی جانب سے جاری کردہ ایک وضاحتی بیان میں کہا گیا ہے کہ 26ستمبر کو بچوں کی حوالگی بارے ایک کیس کی کمرہ عدالت نمبر ایک میں سماعت ہوئی، دوران سماعت بتایا گیا والدین نے پسند کی شادی کی تھی۔اعلامیے کے مطابق سپریم کورٹ نے آبزرویشن دی والدین بچوں کی بہبود کیلئے محبت کا مظاہرہ کریں، اس ریمارکس کی غلط رپورٹنگ کی گئی کہ عدالت نے پسند کی شادیوں پر ناپسیندگی کی آبزرویشن دی جبکہ عدالت نے آبزرویشن دی کہ والدین کو بچوں کی فلاح کے لیے بھی محبت کے اصول کا اطلاق کرنا چاہیے۔