بیرونی سازش سے مسلط ہونے والوں کو شکست دیں گے،عمران خان
شیئر کریں
سابق وزیر اعظم و پاکستان تحریک انصاف کے چیئرمین عمران خان نے کہا ہے کہ ہم نے بیرونی سازش کے ذریعے مسلط ہونے والوں کو شکست دینی ہے ، ہم امریکہ ، چوروں اور لوٹوں کے سامنے نہیں جھکیں گے ، ہمارے لوگوںکو پولیس کے ذریعے ڈرایا دھمکایا جارہاہے لیکن میں آپ کے ساتھ کھڑا ہوں ۔ا ن خیالات کا اظہار انہوںنے ضمنی انتخابی کے حلقہ پی پی 168میں ورکرز کنونشن سے خطاب کرتے ہوئے کیا ۔ اس موقع پر ڈاکٹر یاسمین راشد، حماد اظہر، فرخ حبیب، عندلیب عباس، جمشید اقبال چیمہ، محمود الرشید ، مسرت جمشید چیمہ سمیت کارکنان کی کثیر تعداد موجود تھی ۔ عمران خان نے کہا کہ جو لوگ اپنا ضمیر بیچتے ہیں وہ اپنے حلقے کے لوگوں کی توہین کرتے ہیں ، نوجوانوں آپ نے گھر گھر جانا ہے اورایک ایک ہی دروازے پر یہی آواز دینی ہے کہ ہم نے لوٹوں کو ہرانا ہے۔انہوںنے کہا کہ ہمارے لوگوں کو ڈرایا دھمکایا جارہا ہے ،میں آپ کے ساتھ میں کھڑا ہوں ، ہم ہر چیز کا مقابلہ کرنے کے لئے تیار ہیں۔ انہوںنے کہا میں نواز اعوان سے کہنا چاتا ہوں کہ آپ نے دلیر ہو کر مقابلہ کرنا ہے ۔حمزہ مجرم شریف اور اس کا باپ شہباز جوتا پالش کرنے والا چیری بلاسم شریف ہے ہم نے ان لوگوں کو اس لئے شکست دی ہے یہ بیرونی سازش کے تحت اس ملک کے آئین کو توڑ کر ہمارے قوانین کو توڑ کر مسلط ہوئے ہیں ۔ ہم نے ان کو اس لئے شکست دینی ہے کہ یہ ناجائز اور امپورٹڈ حکومت ہے اور یہ ہمیں نا منظور ہے ۔ ہمارے پیارے نبی ﷺنے ہمیںلا الہ اللہ کا مطلب سمجھایا ، یعنی مسلمان اللہ کے سواکسی کے سامنے نہیں جھکتا۔ہم نہ امریکہ نہ ان چوروں اور نہ ان لوٹوں کے سامنے جھکیں گے ۔یہ پولنگ والے دن جتنی بھی دھاندلی کرلیں ہم نے نواز اعوان کو کامیاب کرانا ہے اور لوٹے کو شکست دینی ہے ۔ کنونش سے پارٹی رہنمائوںنے بھی خطاب کیا۔
