گندم چوری پر نیب انکوئری، نثار کھوڑو کی ضمانت میں 17مارچ تک توسیع
شیئر کریں
سندھ ہائی کورٹ نے گوداموں سے کروڑوں روپے کی گندم چوری پر نیب انکوئری کے کیس میں پاکستان پیپلز پارٹی کے رہنما نثار کھوڑو کی ضمانت میں 17مارچ تک توسیع کر دی۔بدھ کو صوبہ سندھ کے گوداموں سے کروڑوں روپے کی گندم چوی پر نیب انکوائری کے کیس کی سماعت ہوئی ،سماعت کے دوران نیب پراسیکیوٹر نے عدالت کو بتایا کہ نثار کھوڑو کے خلاف انکوائری جاری ہے ، ان کے خلاف محکمہ فوڈ میں کرپشن سے متعلق انکوائری کی جا رہی ہے ۔ نیب پراسیکیوٹر نے استدعا کی کہ اسی انکوائری میں دیگر ملزمان بھی شامل ہیں، نثار کھوڑو کی درخواست کو دیگر ملزمان کی درخواستوں کے ساتھ یکجا کیا جائے ۔عدالت نے محکمہ فوڈ میں کرپشن انکوائری کے تمام ملزمان کی درخواستیں یکجا کر دیں۔ سندھ ہائی کورٹ نے 17 مارچ تک نثار کھوڑو کی ضمانت میں توسیع کر دی۔عدالت نے نیب سے ملزمان کے خلاف ہونے والی تحقیقاتی رپورٹ بھی 17 مارچ تک طلب کر لی۔
