جناح انٹرنیشنل ائیرپورٹ پر کھڑے طیارے میں آگ بھڑک اٹھی
شیئر کریں
شہر قائد میں واقع جناح انٹرنیشنل ایئرپورٹ پر کھڑے ناکارہ طیارے میں اچانک آگ بھڑک اٹھی جس کو بروقت اقدامات کر کے بجھا دیا گیا۔سول ایوی ایشن اتھارٹی نے واقعہ کانوٹس لے کر تحقیقات کا اعلان کردیا۔نجی ٹی وی کے مطابق کراچی ایئرپورٹ پر کھڑے ناکارہ طیارے میں اچانک آگ لگنے کا واقعہ پیش آیا جس کے بعد سول ایوی ایشن کی فائر بریگیڈ کو طلب کیا گیا۔ایئرپورٹ ذرائع کے مطابق ناکارہ طیارے جس جگہ پر کھڑے ہیں وہاں پر جھاڑیاں ہیں جن میں آگ لگنے سے یہ واقعہ پیش آیا۔ ذرائع کا یہ بھی کہنا ہے کہ شعبہ ایئرسائیڈکی غفلت سے جھاڑیوں کی کٹائی نہیں کی گئی تھی، طیارے رن وے سے ایک کلومیٹر دور کھڑے تھے ۔سول ایوی ایشن کی ہاش کاش اور ایک فائرٹینڈر نے بروقت اقدامات کر کے طیارے پر لگنے والی ا?گ کو بجھایا۔ ذرائع کے مطابق آگ پہلے جھاڑیوں میں لگی اور پھر اس نے ناکارہ جہازکو لپیٹ میں لے لیا۔دوسری جانب سول ایوی ایشن اتھارٹی نے واقعہ کانوٹس لے کر تحقیقات کا اعلان کردیا۔
