زرداری نواسے کی سالگرہ میں شرکت کیلئے دبئی گئے‘شرجیل میمن
شیئر کریں
صوبائی وزیر اطلاعات سندھ شرجیل انعام میمن نے ویڈیو بیان جاری کرتے ہوئے کہا کہ چند لوٹے جو پی ٹی آئی میں آئے ہیں ، یہ ان کی خواہش ہوسکتی ہے، صدر آصف علی زرداری اپنے نجی دورے پر دبئی گئے ہیں۔ انہوں نے کہاکہ اپنی سالگرہ وہ اپنے نواسے اور فیملی کے ساتھ منانے کیلئے دبئی گئے ہیں،پی ٹی آئی کے لیڈر پروپیگنڈہ کر رہے ہیں ، یہ ان لوگوں کی عادت بن گئی ہے،ملک سے بھاگنے اور لوگوں کو بھگانا پی ٹی آئی کے لوگوں کی عادت ہے۔انہوں نے مزید کہاکہ فرح گوگی بنی گالا کا کچن چلاتی تھی،فرح گوگی نے سابق وزیر اعظم کی بیگم کے ساتھ مل کر جو کارنامے کئے،پنجاب میں ٹرانسفر ، پوسٹنگ اور زمینوں کی الاٹمنٹ میں اربوں روپے بٹورے۔صوبائی وزیر نے کہاکہ فرح گوگی اور ان کے شوہر کو ان لوگوں نے ملک سے بگایا،پی ٹی آئی کے لوگ فرح گوگی اور ان کے شوہر کو لے کر آئیں،صدر زرداری اپنے شیڈیول کے مطابق واپس آجائیں گے،صدر آصف علی زرداری نے پہلے بھی حالات کا سامنا کیا ہے۔ انہوں نے کہاکہ پاکستان پیپلز پارٹی کے رہنماوں کو اللہ تعالی نے ہمت دی ہے ، ملک میں رہ کر ساری چیزوں کا سامنا کرتے ہیں،پی ٹی آئی کے رہنماوں کی طرح نہیں ، فرح گوگی کے کالے کارنامے سامنے آئے تو انہیں باہر بھگا دیا گیا،پاکستان پیپلز پارٹی کی قیادت حالات کا سامنا کرنا جانتی ہے۔انہوں نے کہاکہ پی ٹی آئی کی لیڈرشپ کی طرح نہیں کہ اداروں پر تنقید کریں ، اداروں کو بلیک میل کریں اور انہیں دباو میں لانے کی کوشش کرے۔انہوں نے کہاکہ ایک زرداری – پی ٹی آئی پر بھاری۔
