چین کے ساتھ مل کر کام کریں گے ،ولادی میر پیوٹن
شیئر کریں
روسی صدر ولادیمیر پیوٹن نے کہا ہے کہ دوسرے ممالک کی آزادی اور خود مختاری کا احترام کرنا چاہئے ، مالیاتی کرنسی اور پالیسی کے استحکام کے لیے چین کے ساتھ مل کر کام کریں گے ۔چین کے دارالحکومت بیجنگ میں بیلٹ اینڈ روڈ فورم 2019 کا آغاز ہوگیا، فورم میں متعدد عالمی رہنما شریک ہیں۔روس کے صدر ولادیمیر پیوٹن نے دوسرے بیلٹ اینڈ روڈ فورم 2019 کے افتتاحی سیشن سے خطاب کرتے ہوئے کہا کہ صنعتی ترقی کو فروغ دینے کے لیے اقدامات ضروری ہیں۔انہوں نے مزید کہا کہ بیلٹ اینڈ روڈ فورم علاقائی ترقی کے لیے اہم ثابت ہوگا، دہشت گردی اور انتہا پسندی کے خاتمے کے لیے عالمی کوششوں کی ضرورت ہے ۔روسی صدر پیوٹن نے یہ بھی کہا کہ شاندار مشترکہ مستقبل کے لیے اجتماعی کوششوں کی ضرورت ہے ، چین کے ساتھ روس کی ذہنی ہم آہنگی ہے ، چینی صدر کے اس اقدام کو سراہتے ہیں۔بیلٹ اینڈ روڈ فورم 2019 کی افتتاحی تقریب سے چین کے صدر شی جن پنگ اور وزیر اعظم عمران خان نے بھی خطاب کیا ہے ۔
