کراچی :سردی کی شدت برقرار، درجہ حرارت مزید گرنے کا امکان

Author One

بدھ, ۲۵ دسمبر ۲۰۲۴

شیئر کریں

کراچی:  بلوچستان کی سرد ہواں کے باعث کراچی میں سردی کی شدت برقرار ہے جبکہ آئندہ 24گھنٹوں کے دوران موسم سرد اور خشک رہے گا۔محکمہ موسمیات کے مطابق شہر میں شمال مشرقی سمت سے ہلکی سے درمیانی رفتار کی ہوائیں چلنے کا امکان ہے۔

شہر کا آج کم سے کم درجہ حرارت 11.8 ڈگری سینٹی گریڈ ریکارڈ ہوا جبکہ آئندہ 24گھنٹوں کے دوران زیادہ سے زیادہ درجہ حرارت 24 اور کم سے کم 10 ڈگری سینٹی گریڈ متوقع ہے۔

واضح رہے کہ گزشتہ روز محکمہ موسمیات نے پیش گوئی کی تھی کہ شہر قائد میں اگلے دو روز تک تیز یخ بستہ ہوائیں چل سکتی ہیں۔

منگل 24دسمبر کو شہر میں دن بھر معمول سے تیز بلوچستان کی شمال مشرقی ہوائیں چلیں، اس دوران زیادہ سے زیادہ درجہ حرارت گزشتہ روز کے مقابلے میں 2.5 ڈگری کم ہوا۔