سندھ بلڈنگ ،ناظم آباد میں منہدم عمارتوں کی از سرنوتعمیر شروع
شیئر کریں
ناظم آباد میں دیگر علاقوں کی طرح منہدم عمارتوں کی از سر نو تعمیر کا عمل شروع کرا دیا گیا۔تازہ اطلاعات کے مطابق ناظم آباد نمبر 5میں ڈی سی سینٹرل کے احکامات مکمل طور پر نظر انداز کر کے ڈائریکٹر ڈیمالشن سجاد خان کی مکمل پشت پناہی پر عدالتی احکامات کے بر خلاف پلاٹ نمبر C 18/1کی پرانی عمارت پر ساتویں منزل تعمیر کرنے میں بیٹر فیصل قریشی کو مکمل چھوٹ دے دی گئی ہے ۔بلڈنگ افسران نے بیٹر فیصل قریشی سے خطیر رقم بٹورنے کے بعد کمزور بنیادوں پر خطرناک ساتویں منزل کی تعمیر مکمل کروا کر فروخت شروع کر دی گئی ہے ۔ذرائع کے مطابق بیٹر فیصل قریشی عرصہ دراز سے سسٹم اور مافیا کے درمیان رابطے کا کام سر انجام دے کر کروڑوں روپے اینٹھ چکا ہے۔ کمزور بنیادوں پر خطرناک تعمیرات کے خلاف انہدامی کارروائی نہ ہونے کی ڈائریکٹر سجاد خان نے گارنٹی دے رکھی ہے۔ناجائز تعمیرات پر ڈی جی عبدالرشید سولنگی اور تحقیقاتی اداروں نے دانستہ چشم پوشی خاموشی اختیار کر رکھی ہے۔
