پاکستان کو ٹریلین ڈالر اکانومی بنانا مشکل نہیں ،وزیراعلیٰ سندھ
شیئر کریں
اڑان پاکستان کے فائیو ایز پیپلز پارٹی کے منشور کا حصہ تھے،مراد علی شاہ
لیاری ایکسپریس وے کو ہیوی ٹریفک کے لیے مختص کرنا ہوگا، خطاب
وزیراعلی سندھ سید مراد علی شاہ نے کہا ہے کہ پاکستان کو ٹریلین ڈالر اکانومی بنانا مشکل نہیں ہے۔کراچی میں تقریب سے خطاب میں وزیراعلی سندھ نے کہا کہ پاکستان کو ٹریلین ڈالر اکانومی بنانا مشکل نہیں، اس وقت سب سے بڑا مسئلہ بڑھتی ہوئی آبادی کا ہے۔انہوں نے کہا کہ اڑان پاکستان کے فائیو ایز پاکستان پیپلز پارٹی کے منشور کا حصہ تھے، ایکسپورٹ بڑھنے کے بجائے کم ہوئی ہے۔مراد علی شاہ نے مزید کہا کہ وزیراعظم پورٹس کی ترقی کیلیے بڑے فکرمند ہیں، پورٹس سے ٹرکوں کے ذریعے سامان کی منتقلی کیلیے صرف رات کا وقت ملتا ہے۔انہوںنے کہا کہ لیاری ایکسپریس وے کو ہمیں ہیوی ٹریفک کیلیے مختص کرنا ہوگا، صرف اتحاد کی ضرورت ہے، انرجی کے بغیر ایکسپورٹ نہیں بڑھاسکتے۔وزیراعلی سندھ نے کہا کہ انفرااسٹرکچر کے بغیر بھی ایکسپورٹ نہیں بڑھائی جا سکتی، اگر حیدرآباد سکھر روڈ ایسا ہوگا تو بھی ایکسپورٹ نہیں بڑھ سکتی۔انہوں نے کہا کہ شاہراہ بھٹو سے ہیوی ٹریفک کو متبادل راستہ ملے گا، ہم چاہتے ہیں کہ ہیوی ٹریفک کیلیے رنگ روڈ ہونا چاہیے۔مراد علی شاہ نے کہا کہ چیئرمین بلاول بھٹو زرداری کو بھی اس معاملے پر تحفظات ہیں، دھابیجی صنعتی علاقہ جیسا کوئی صنعتی علاقہ نہیں ,،ہمیں سپورٹ چاہیے۔
