کامران اکمل کا بھارت میں ورلڈکپ کے بائیکاٹ کا مشورہ

ویب ڈیسک

هفته, ۲۵ فروری ۲۰۲۳

شیئر کریں

کامران اکمل نے بھارت میں شیڈول ورلڈکپ کے بائیکاٹ کا مشورہ دے دیا۔ایک انٹرویو میں وکٹ کیپر بیٹر کامران اکمل نے کہا کہ اگر بھارتی ٹیم پاکستان میں رواں سال ہونے والے ایشیا کپ میں شرکت کے لے نہیں ا?تی تو ہمیں بھی ورلڈکپ میں شرکت کے لیے بھارت نہیں جانا چاہیے،ہماری بھی کوئی عزت ہے۔انھوں نے کہا کہ پاکستان ورلڈچیمپئن رہا ہے، تینوں فارمیٹ کی رینکنگ میں ٹاپ پوزیشن بھی حاصل کی ،یہ حکومتوں کا معاملہ ہے،جب تک دونوں ایک صفحے پر نہ ہوں ٹیمیں ایک دوسرے کے ملک میں نہیں جائیں گی، دیکھتے ہیں یہ سلسلہ کتنے عرصے تک چلتا ہے۔