مرینہ خان نے دوبارہ اداکاری کا سلسلہ شروع کردیا

ویب ڈیسک

پیر, ۲۵ فروری ۲۰۱۹

شیئر کریں

نامور اداکارہ مرینہ خان نے کہا ہے کہ شادی کے بعد گھر والوں کی جانب سے شوبز میں کام کرنے پر کوئی پابندی عائد نہیں کی گئی بلکہ اپنے گھر اوربچوں کی وجہ سے اس سے دوری اختیار کی ۔

ایک انٹر ویو میں مرینہ خان نے کہا کہ اداکاری کی خاطر مجھے اپنا ہیئر سٹائل بھی تبدیل کرنا پڑا لیکن فن کیلئے یہ قربانیاں دینی پڑتی ہیں۔انہوں نے کہا کہ دوبارہ اداکاری کا سلسلہ شروع کیا ہے اور عنقریب میری ایک ڈرامہ سیریل نجی ٹی وی سے آن ائیر ہو گی جبکہ مزید دو ڈرامہ سیریلز بھی نجی ٹی وی چینل سے آن ائیرہوں گی جس میں اہم کردارادا کر رہی ہوں۔

مرینہ خان نے بتایا کہ میری ٹی وی پر شناخت ڈرامہ سیریل ’’تنہائیاں ‘‘سے بنیں بلکہ اس ڈرامے کے تمام کردار مقبول ہوئے او ر خاص طو رپر بہروز سبزواری کے کردار کباچہ کو بڑی مقبولیت ملی ۔