سندھ میں پانی نہیں تو نہریں کیسے بنیں گی،مراد علی شاہ
شیئر کریں
وزیر اعلیٰ سندھ مراد علی شاہ نے کہا ہے کہ سندھ میں پانی نہیں تو نہریں کیسے بنیں گی۔گڑھی خدا بخش بھٹو میں میڈیا سے گفتگو کرتے ہوئے مراد علی شاہ کا کہنا تھا کہ 27دسمبر شہید بینظیر بھٹو کی 17 ویں برسی کا جائزہ لینے پہنچا ہوں، اس سال بھی برسی میں ملک بھر سے کارکنان شرکت کریں گے ، صدر آصف علی زرداری اور بلاول بھٹو زرداری بھی گڑھی خدا بخش بھٹو آئیں گے ۔انہوں نے کہا کہ کراچی میں پانی کی قلت نہیں ہے ، سندھ میں پانی نہیں تو کینال کیسے بنیں گے ، سندھ میں پانی کے منصوبے پر آئین کے مطابق عمل ہوگا۔مراد علی شاہ کا کہنا تھا کہ امن امان کی صورتحال کچھ بہتر ہوئی ہے ، کچے کے علاقے میں بھی امن و امان کے حوالے سے ماضی سے بہتر ہے ، کچے میں جہاںا سکول ہسپتال کی ضرورت ہے اس پر بھی کام جاری ہے ۔وزیراعلیٰ سندھ نے مزید کہا کہ ہر چیز ڈائیلاگ سے ختم ہو سکتی ہے ، پی ٹی آئی نے ایک آدمی کے لئے ساری چیزیں داؤ پر لگائیں، پی ٹی آئی والے سیاسی نابالغ ہیں، نو مئی کے واقعات کے بعد 26 نومبر کو اسلام آباد میں حالات خراب کئے گئے ۔
