تین سو اساتذہ دس سال بعد ملازمت سے فارغ
شیئر کریں
محکمہ تعلیم نے 300 ای سی ای (ارلی چائلڈ ایجوکیشن) اساتذہ کو 10 سال بعد ملازمت سے فارغ کر دیا۔ ای سی ای اساتذہ محکمہ تعلیم کے خلاف میدان میں آ گئے ۔اس حوالے سے ای سی اساتذہ کا کہنا ہے کہ حکومت فوری طور پر ریگولر کر کے بحال کرے ، ارلی لرننگ پروگرام 10 سال بحیثیت کنٹریکٹ پڑھایا ہے ، ٹریننگ بھی کرائی محکمہ تعلیم نے لاکھوں روپے لگانے کے بعد ہمیں فارغ کر دیا گیا۔انہوں نے بتایا کہ ان کی تنخواہ 12 ہزار روپے تھی، گزشتہ 10 سال سے ہر سال کانٹریکٹ میں توسیع کی جاتی تھی مگر گزشتہ 3 سالوں سے آسرا دے رکھا تھا کہ ای سی ای ساتذہ کو مستقل کر دیا جائے گا، گزشتہ 5 سالوں سے تنخواہوں میں اضافہ نہیں کیا گیا۔انہوں نے بتایا کہ ٹیچر کی چار ہزار روپے تنخواہ تھی اور اسسٹنٹ ٹیچر دو ہزار روپے تنخواہ پر بھرتی کیے گئے تھے ۔ اساتذہ کے مطابق سیکریٹری تعلیم قاضی شاہد پرویز نے جی ڈی اے کے رہنما عارف مصطفی جتوئی کی موجودگی میں یقین دہانی کرائی تھی کہ ای سی ای کے 300 اساتذہ کو جلد مستقل کر دیا جائے گا۔یقین دہانی کرائے ہوئے ایک ہفتے سے زائد گزر چکا ہے مگراب تک سمری وزیر اعلیٰ کو نہیں بھیجی گئی، انہوں نے کہا کہ ای سی ای اساتذہ کو مستقل کرنے کی سمری نہیں بھیجی گئی تو وزیر اعلیٰ ہاؤ س کی جانب مارچ کیا جائے گا۔
