جہانگیر ترین سرگرم، ایک ہفتے میں 20 سے زائد اہم سیاسی شخصیات سے ملاقاتیں

جرات ڈیسک

بدھ, ۲۴ مئی ۲۰۲۳

شیئر کریں

سینئر سیاستدان جہانگیر خان ترین پاکستانی سیاست کے میدان میں ایک بار پھر سر گرم ہو گئے ہیں، ایک ہفتے میں جہانگیر ترین سے 20 سے زائد اہم سیاسی شخصیات کی ملاقاتیں بھی ہوئی ہیں۔ بتایا گیا ہے کہ سینئر سیاستدان جہانگیر خان ترین ایک بار پھر پاکستان کے سیاسی میدان میں سرگرم ہو گئے اور لاہور میں اپنا سیاسی دفتر کھول لیا ہے۔ ذرائع نے بتایا ہے کہ جنوبی پنجاب سے تعلق رکھنے والے پی ٹی آئی کے سابق ارکان اسمبلی جنہوں نے حال ہی میں علیحدگی اختیار کی جہانگیر ترین سے رابطہ کیا ہے، گزشتہ ایک ہفتے میں جہانگیر ترین سے 20 سے زائد اہم سیاسی شخصیات نے ملاقاتیں کی ہیں اور آنے والے دنوں میں رابطوں میں تیزی آنے کا امکان ہے۔ ذرائع کے حوالے سے یہ بھی دعویٰ سامنے آیا ہے کہ پی ٹی آئی میں فارورڈ بلاک بننے کا امکان ہے۔