انسانی اسمگلنگ روکنے کیلئے 9 شہروں کی نگرانی، ایف آئی اے ایڈوائزری
شیئر کریں
انسانی اسمگلنگ روکنے کے لیے بیس سال بعد ایف آئی اے ہیڈ کوارٹر سے ایڈوائزری جاری کردی گئی۔ ایف آئی اے ہیڈ کوارٹر سے ملک بھر کے ڈپٹی ڈائریکٹرز امیگریشن کو مراسلہ جاری کردیا گیا۔جس میں پندرہ ممالک ۔ پاکستان کے نو شہر اور دو ایئر لائن کے مسافروں پر کڑی نگرانی کی ہدایات کی گئی ای آئی اے کے مراسلے میں پہلی دفعہ بیرون ملک کے پندرہ سے چالیس سال عمر کے مسافروں پر نگرانی سخت کرنے کا حکم دیا گیا ہے ۔ فلائی دبئی اور اتھوپین ایئر لائن کے جوان العمر مسافروں کی سخت چیکنگ کرنے کا حکم دیا گیا ہے ۔ آذربائیجان ، ایتھوپیا ، سینیگال، کینیا ، روس ، سعودیہ ، مصر ، لیبیا ، ایران ، موریطانیہ ، عراق، ترکیہ ، قطر ، کویت ، کرغیزستان کے مسافروں کے مسافروں کی چھان بین کا حکم دیا گیا ہے ۔ ایف آئی اے ہیڈ کوارٹر کے مراسلے میں کہا گیا ہے کہ پندرہ ممالک کو پاکستانیوں نے یورپ انسانی اسمگلنگ کے لیے ٹرانزٹ کے طور پر استعمال کیا۔ ایڈوائزری جولائی تا دسمبر آئی بی ایم ایس کے ڈیٹا بیس کے تجزیے سے تیار کی گئی۔ پندرہ ملکوں کے وزٹ ، سیاحت ، مذہبی یا تعلیمی ویزوں پر مسافروں کی نقل و حرکت کا جائزہ لیا گیا۔ منڈی بہاء الدین ، گجرات ، سیالکوٹ ،گوجرانوالہ ، بمبر کے مسافروں کی کڑی نگرانی کرنے کا حکم دیا گیا ہے ۔ جہلم ،ٹوبہ ٹیک سنگھ ، حافظ آباد اور شیخوپورہ کے مسافروں کی پروفائلنگ کے بہتر اقدامات کرنے کا بھی حکم دیا گیا ہے ۔ ایف آئی اے کی ایڈوائزری میں مزید کہا گیا ہے کہ ریٹرن ٹکٹس اور ہوٹل بکنگ سمیت تمام دستاویزات کی مکمل چھان بین کی جائے ۔وزٹ یا سیاحتی ویزوں پر خصوصی توجہ کے ساتھ دستاویز کی چھان بین کی جائے ۔ مشکوک مسافروں اور ان کے سفری مقصد اور مالی انتظامات کیلئے انٹرویو کیا جائے ۔ مشکوک مسافروں کا تفصیلی ریکارڈ رکھیں اور کسی بھی بے قاعدگی کی فوری اطلاع دی جائے۔
