کراچی پر نئی افتاد، بجلی بریک ڈاون سے دھابیجی پر پانی کی لائن پھٹ گئی، سپلائی بند
ویب ڈیسک
پیر, ۲۳ جنوری ۲۰۲۳
شیئر کریں
بجلی کے بریک ڈاؤن کے باعث کراچی میں دھابیجی پمپنگ اسٹیشن پر پانی کی لائن پھٹ گئی۔کراچی واٹر اینڈ سیوریج بورڈ کے مطابق پیر کی صبح دھابیجی پمپنگ اسٹیشن پر پاور بریک ڈان کی وجہ سے پانی کی 72 انچ قطر کی لائن پھٹ گئی۔دھابیجی پمپنگ اسٹیشن سے سپلائی منقطع ہونے کے باعث کراچی کو دو کروڑ گیلن پانی کی کمی کا سامنا ہے۔شہر کے بیشتر علاقوں میں فلیٹوں میں رہائش پذیر شہری بجلی کے بریک ڈاؤن کے باعث پانی نہیں بھرسکے۔ذرائع کے مطابق 72 انچ قطر کی لائن کی مرمت میں کئی گھنٹے درکار ہوں گے، واٹر بورڈ حکام نے شہریوں سے اپیل کی ہے کہ پانی کے استعمال میں احتیاط کریں۔
