سندھ پولیس میں بڑے پیمانے پر تبادلوں کی بازگشت
شیئر کریں
تمام افسران نے من پسند پوسٹنگ لینے کے لیے بھاگ دوڑ شروع کر دی ہے سابق ایڈیشنل ائی جی کراچی جاوید عالم اوڈھو آئی جی سندھ کے لیے مضبوط امیدوار کے طور پر دیکھے جا رہے ہیں ۔ تفصیلات کے مطابق الیکشن 2024 کے بعد ملک بھر میں حکومت سازی کا عمل شروع کر دیا گیا ہے تاہم سندھ میں حکومت سازی کے بعد سندھ پولیس میں بڑے پیمانے پر اکھاڑ پچھاڑ کا قوی امکان ہے سندھ پولیس کی کمان کرنے کی دوڑ میں سابق آئی جی گلگت بلتستان ڈاکٹر امیر احمد شیخ سابق آئی جی بلوچستان عبدالخالق شیخ جبکہ سابق ایڈیشنل آئی جی کراچی جاوید عالم اوڈھو شامل ہیں۔ ذرائع کے مطابق جاوید عالم اوڈھو آئی جی سندھ بننے کے لیے مضبوط امیدوار کے طور پر سامنے آ رہے ہیں تاہم ایڈیشنل آئی جی کراچی کے لیے مظفر علی شیخ اور شرجیل کھرل کے درمیان کانٹے کا مقابلہ جاری ہے ڈی آئی جی ایسٹ کے لیے طارق رزاق دھاریجو ڈی آئی جی ساتھ پیر محمد شاہ جبکہ سید اسد رضا کو ڈی آئی جی سکھر لگائے جانے کا امکان ہے جبکہ ڈی آئی جی حیدرآباد کے لیے ڈاکٹر فرخ بشیر مضبوط امیدوار ہیں دریں اثنا سندھ بھر میں ایس ایس پیز کے بھی تبادلے متوقع ہیں۔
