سندھ بورڈ آف ریوینیو میں جعلی دستخط کے ذریعے بھرتیوں کا انکشاف
شیئر کریں
سندھ بورڈ آف ریوینیو میں جعلی دستخط کے ذریعے بھرتیوں کے انکشاف ہونے پر اسسٹنٹ سیکریٹری نے تمام متعلقہ محکموں کو خط لکھ دیاہے۔تفصیلات کے مطابق سندھ بورڈ آف ریوینیو میں جعلی دستخط کے ذریعے بھرتیوں کے انکشاف ہونے پر اسسٹنٹ سیکرٹری بورڈ آف ریوینیو نے چیئرمین اینٹی کرپشن سمیت دیگر محکموں کو خط ارسال کردیا۔خط میں انکشاف کیا گیا کہ منسٹریل سطح پر روینیو فیلڈ کے جعلی آرڈر نکالے گئے ہیں اور افسران کے جعلی دستخط سے جعلسازی کی گئی ہے، واٹس ایپ گروپس و افسران کو بھیجے گئے تصدیقی خطوط سے یہ انکشاف سامنے آیا ہے۔خط میں اسسٹنٹ سیکریٹری نے لکھا کہ بورڈ آف ریوینیو نے کسی کو تقرری کا یا آفرلیٹر جاری نہیں کیا، ایسے کسی بھی ملازمت نامے کو قبول نہ کیا جائے اور فوری نشاندہی کرکے فراڈ کنندگان کیخلاف قانونی کارروائی کی جائے۔خط کے متن کے مطابق ایسے آرڈر کی کاپی تصدیق کے لیے بورڈ کو بھیجی جا سکتی ہے اور دستاویز جعلی ہونے پر قواعد کے تحت سخت فوجداری کارروائی کی جا سکتی ہے۔
