فخر زمان کا دھچکا،پاک بھارت ٹاکرے کیلئے پاکستانی ٹیم دبئی روانہ
شیئر کریں
سیمی فائنل میں رسائی کی امیدیں برقرار رکھنے کیلئے بھارت کو لازمی ہرانا ہوگا
فخر زمان کا دھچکا،پاک بھارت ٹاکرے کیلئے پاکستانی ٹیم دبئی روانہروایتی حریفوں کے درمیان مقابلہ 23فروری کو دبئی کرکٹ اسٹیڈیم میں ہوگا
چیمپئنز ٹرافی کے افتتاحی میچ میں شکست کے بعد میزبان پاکستان ٹیم اپنا دوسرا میچ بھارت سے کھیلنے کے لیے کراچی سے دبئی روانہ ہوگئی جبکہ پاکستانی ٹیم کو دھچکہ لگا ہے کہ فخر زمان ٹورنامنٹ سے آئوٹ ہوگئے ہیں اور وہ دبئی بھی نہیں گئے ۔آئی سی سی چیمپئنز ٹرافی کے افتتاحی میچ میں نیوزی لینڈ سے بڑی شکست کا داغ لگنے کے بعد میزبان اور دفاعی چیمپئن پاکستان ٹیم روایتی حریف بھارت سے مقابلے کے لیے کراچی سے دبئی کے لیے روانہ ہوئی۔قومی ٹیم آج دبئی پہنچنے کے بعد آرام کرے گی اور کل سے ٹریننگ سیشن میں حصہ لے گی۔روایتی حریفوں کے درمیان مقابلہ اتوار 23فروری کو دبئی کرکٹ اسٹیڈیم میں ہوگا۔ اس سے قبل بھارت آج بنگلہ دیش کے خلاف اپنی مہم کا آغاز کرے گا۔پاکستان کو افتتاحی میچ میں نیوزی لینڈ کے ہاتھوں 60 رنز سے شکست کے بعد سیمی فائنل میں رسائی کی امیدیں برقرار رکھنے کے لیے بھارت کو لازمی ہرانا ہوگا۔ادھرقومی ٹیم کے اوپنر کھلاڑی فخر زمان کے سکین کے بعد اسے ٹورنامنٹ سے آئوٹ ہونے کا اعلان کر دیا گیا ہے ۔ فخر زمان نے سینے کے دائیں جانب تکلیف کی شکایت کی تھی جس کے بعدنیوزی لینڈ کے خلاف انہیں اوپننگ کیلئے نہ بھیجا گیا تاہم بعدمیں آکر کھیلے ۔نیوزی لینڈ کے بیٹنگ کے دوران شاہین آفریدی کے پہلے ہی اوور میں فخر زمان باؤنڈری لائن پر انجری کا شکار ہوئے تھے جس کے بعد وہ میدان سے باہر چلے گئے تھے ۔فخر زمان میدان سے باہر جانے کی وجہ سے اننگز اوپن نہیں کرسکے اور انہیں 20 منٹ کی تاخیر سے بیٹنگ کے لیے بھیجا گیا ان کی جگہ سعود شکیل کو اننگز کا آغاز کرنے کے لیے بھیجا گیا تھا۔
