شہریوں اور خاص طور پر وکلاء کی حمایت کا شکرگزار ہوں، عمران خان

جرات ڈیسک

منگل, ۲۱ فروری ۲۰۲۳

شیئر کریں

سابق وزیرِ اعظم عمران خان نے گزشتہ روز عدالت میں پیش ہونے کے بعد سوشل میڈیا پر بیان جاری کر دیا۔ چیئرمین تحریکِ انصاف عمران خان نے ٹوئٹر پر لکھا ہے کہ میں تمام لوگوں خاص طور پر وکلا کا شکریہ ادا کرنا چاہتا ہوں جو کل بڑی تعداد میں باہر نکلے۔ عمران خان نے گزشتہ روز حمایت کرنے والوں کا شکریہ بھی ادا کیا۔ تحریکِ انصاف کے چیئرمین نے اپنے پیغام کے ساتھ اپنے عدالت پہنچنے کے سفر کی ویڈیوز بھی شیئر کی ہیں۔ واضح رہے کہ گزشتہ روز عمران خان لاہور ہائی کورٹ میں پیش ہوئے تھے جہاں ان کی حفاظتی ضمانت کی درخواست منظور کر لی گئی تھی۔