سی این جی اسٹیشن 24 گھنٹے کیلئے کھل گئے
ویب ڈیسک
جمعرات, ۲۰ فروری ۲۰۲۰
شیئر کریں
سندھ بھر میں سی این جی اسٹیشن صبح آٹھ بجے کھل گئے ۔ سوئی سدرن گیس کمپنی کے مطابق فلنگ اسٹیشن چوبیس گھنٹے کھلے رہیں گے ۔کراچی سمیت سندھ بھر میں سی این جی اسٹیشنز کھول دئیے گئے ۔ فلنگ اسٹیشنز کے باہر گاڑیوں کی طویل قطاریں لگ گئیں۔ سوئی سدرن حکام کے جاری کیئے گئے اعلامیہ کے مطابق ایس ایس جی سی کے سسٹم میں مختلف گیس فیلڈز سے گیس کم مل رہی ہے جس کی وجہ سے لائین پیک سخت متاثر ہے ، انتہائی کم پریشر کی وجہ سے ایس ایس جی سی کو گھریلو صارفین کو گیس پہنچانے میں بھی سخت مشکلات کا سامنا ہے ۔سی این جی صارفین کے لیئے 20 فروری بروز جمعرات صبح آٹھ بجے سے آج بروز جمعہ صبح آٹھ بجے تک چوبیس گھنٹے کے لیئے سندھ بھر میں تمام سی این جی اسٹیشنز کو گیس کی سپلائی جاری رکھی جائے گی۔ آئندہ کے شیڈول کا اعلان پریشر کی صورتحال کو مدنظر رکھ کر کیا جائے گا۔
