اشتہاری ملزمان کی تقاریر پر پابندی کیخلاف درخواستیں واپس لے لی گئیں

ویب ڈیسک

بدھ, ۲۰ جنوری ۲۰۲۱

شیئر کریں

اسلام آباد ہائیکورٹ میں اشتہاری ملزمان کی تقاریر پر پابندی کیخلاف درخواستیں واپس لے لی گئیں ۔بدھ کو ہیومین رائٹس اور پی ایف یو جے کے وکیل سلمان اکرم راجہ عدالت کے سامنے پیش ہوئے ۔ سلمان اکرم راجہ نے کہا کہ ہم درخواست واپس لینا چاہتے ہیں، نئی بنیادوں پر دوبارہ درخواست دائر کریں گے ۔ چیف جسٹس اطہر من اللہ نے کہا کہ درخواست میں بڑے بڑے نام شامل تھے لیکن تاثر درست نہیں گیا۔ عدالت نے درخواست واپس لینے کی استدعا منظور کر لی۔سلمان اکرم راجہ نے کہا کہ یہ تاثر نہیں دینا چاہتے کہ ہم کسی کے ایجنٹ بن کر درخواست گزار بنے ، نئی بنیادوں پر وسیع تناظر میں درخواست دائر کریں گے۔