کراچی میں اغوا کاروں سے پولیس مقابلہ، 2نوجوان بازیاب
شیئر کریں
شہر قائد کے علاقے بلدیہ ٹائون میں اینٹی وائلنٹ کرائم سیل پولیس نے دو مغوی لڑکوں کو بازیاب کرا لیااور مقابلے میں 2 اغواکار گرفتار کر لیے ہیں۔تفصیلات کے مطابق کراچی کے علاقے بلدیہ رئیس گوٹھ میں اینٹی وائلنٹ کرائم سیل پولیس کا اغوا کاروں کے ساتھ مقابلہ ہوا ہے، مقابلے کے دوران ایک زخمی سمیت دو اغواکار گرفتار کر لیے گئے، کارروائی کے دوران دو مغوی بھی بازیاب کرائے گئے ہیں۔ایس ایس پی اے وی سی سی ذیشان شفیق صدیقی کے مطابق پولیس ٹیم نے ٹیکنیکل بنیادوں اور خفیہ اطلاع پر اسکانی روڈ، یار محمد گوٹھ نزد رئیس گوٹھ کراچی پر کارروائی کی، جہاں اغوا کاروں نے پولیس پارٹی پر فائرنگ شروع کر دی، دو طرفہ فائرنگ کے نتیجے میں دو اغوا کار اسلحہ سمیت گرفتار ہوئے، جس میں سے ایک زخمی حالت میں ہے۔بازیاب ہونے والے مغویوں میں 18 سالہ ریان اور 15 سالہ رضوان شامل ہیں، جبکہ گرفتار ملزمان میں ریاض احمد اور اعجاز احمد شامل ہیں۔
