اسماعیل ڈاہری کو سینٹرل جیل سے گم کرنے کی اطلاعات
ویب ڈیسک
هفته, ۱۹ اکتوبر ۲۰۲۴
شیئر کریں
سابق صوبائی وزیر اسماعیل ڈاہری کے انکشافات، اسماعیل ڈاہری کو جیل سے گم کرنے کی اطلاعات، تفصیلات کے مطابق مختلف مقدمات میں سینٹرل جیل حیدرآباد میں قید سابق صوبائی مشیر اور آصف زرداری کے قریبی ساتھی اسماعیل ڈاہری کی جانب سے بینظیر بھٹو قتل کے بارے اہم انکشافات سمیت فریال تالپور اور صوبائی وزیر داخلہ ضیاء لنجار پر جھوٹے مقدمات اور کارروائیوں کے الزامات کے بعد پیپلزپارٹی کی اعلیٰ قیادت پریشانی کا شکار ہے، ذرائع کے مطابق اسماعیل ڈاہری کے ہوشربا انکشافات کے بعد پیپلزپارٹی قیادت نے اسماعیل ڈاہری کو خاموش کرانے کی کوششیں شروع کردی ہیں، ذرائع کے مطابق اسماعیل ڈاہری کو جیل سے گم کرکے نامعلوم مقام پر منتقل کردیا گیا ہے۔
