ماڈل علیزے گبول نے دوسری شادی کر لی
شیئر کریں
پاکستانی فیشن انڈسٹری کی مقبول ماڈل، اداکارہ اور میزبان علیزے گبول نے دوسری شادی کر لی ۔علیزے گبول نے اپنے انسٹاگرام پر ایک تصویر شیئر کی جس میں ان کے ہاتھوں میں کوئی انگوٹھی پہنا رہا ہے ۔ انہوں نے اپنی پوسٹ کے کیپشن میں لکھا ” نئی شروعات، الحمداللہ”۔انہوں نے کیپشن میں دلاور انگھوٹی کے ایموجی کا بھی استعمال کیا۔تاہم علیزے گبول نے اپنی پوسٹ کے ذریعے واضح اعلان نہیں کیا کہ آیا ان کی منگنی ہوئی ہے یا شادی۔لیکن اداکارہ کی دوست شانزے شیخ نے اپنی انسٹاگرام اکائونٹ پر ایک اسٹوری شیئر کی جس میں انہوں نے علیزے کی انگوٹھی والی تصویر کے ساتھ لکھا کہ” ‘الحمداللہ میری دوست اب شادی شدہ ہے ”۔خیال رہے کہ ماڈل و اداکارہ علیزے گبول اس سے قبل اساما نامی شخص کے ساتھ رشتہ ازدواج میں منسلک ہوئی تھیں جن سے ان کی ایک بیٹی میرال ہے ۔بدقسمتی سے علیزے گبول کی یہ شادی زیادہ عرصے تک نہ چل سکی اور انہوں نے چند ہی عرصے میں اساما سے راہیں جدا کر لیں۔
