محکمہ لیبر سندھ کے ماتحت سیسی میں بھرتیاں مشکوک
شیئر کریں
محکمہ لیبر سندھ کے ماتحت سیسی میں بھرتیاں مشکوک ہوگئیں، یونین کے رہنمائوں میں نوکریوں کی بندر بانٹ ، ڈاکٹرز کی بھرتی پہلے ہی پی پی رہنمائوں اور وزراء کی سفارش پر ہونے کا انکشاف ۔ جرات کی خصوصی رپورٹ کے مطابق وزیر محنت و افراد ی قوت سعید غنی نے سندھ ایمپلائیز سوشل سیکیورٹی انسٹی ٹیوشن (سیسی ) میں گریڈ 17 کے ڈاکٹرزاور لوئر اسٹاف کی بھرتیوں میں قوائد کی دھجیاں اڑادی ہیں، وزیر اعلیٰ سندھ مراد شاہ اور وزیر محنت سعید غنی دعوے کرتے رہے کہ حکومت سندھ میرٹ پر بھرتیاں کرتے ہوئے ٹیسٹ آئی بی اے سکھر یا اچھی شہرت کے حامل ادارے سے کروانے کے بعد کرتی ہے لیکن یہ دعوے ہوا میں تحلیل ہوگئے کیونکہ سیسی کے ڈائریکٹر ایڈمنسٹریشن محمد زاہد بٹ نے آئی بی اے سکھر کو لیٹر ارسال تحریر کرکے درخواست کی کہ گریڈ 16 سے گریڈ 17 تک کی 373 آسامیوں پر سیسی خود بھرتیاں کرے گا اس لئے آئی بے آئی ٹیسٹ نہ لے، جس کے بعد سیسی میں گریڈایک سے لے کر گریڈ 17 تک کی بھرتیاں مشکوک ہوگئی، جبکہ بھرتیاں میرٹ پر کرنے کا اصرار کرنے والے کمشنر سیسی اختر قریشی کو فارغ کیا گیا اور محمد سلیم رضاکو سیسی کیا نیا کمشنر تعینات کیاگیا، نئے کمشنر کی تعیناتی کے بعد سیسی میں نوکریان من پسند لوگوں کو دینے کی شروعات کردی گئی ہے، پیپلز اسٹاف سی بی اے یونین کے رہنمائوں میں نوکریاں تقسیم کی جارہی ہیں، یونین کے ایک رہنما احمد نواز کے تین بیٹوں محسن نواز، حسن نواز اور حسین نواز کو اپائنمٹ آرڈر جاری کردیئے گئے ہیں، اس کے علاوہ ایک اور یونین رہنما خمیسو کے دو بیٹو ں بلاول اور شاھ مور کو بھی سیسی میں لوئر گریڈ کی آسامیوں پر نوکری کے آرڈر جاری کئے گئے ہیں، سیسی میں لوئر گریڈ کی آسامیوں کے آرڈر کمشنر سیسی کے ڈائریکٹر ایڈمنسٹریشن محمد زاہد بٹ کے دستخط سے جاری کئے جارہے ہیں۔ سیسی میں یونین کے رہنمائوں اور من پسند لوگوں کو نوکریوں کے آرڈر جاری کرنے پر میرٹ پر نوکریاں حاصل کرنے کے خواہشمند امیدواروں میں مایوسی پھیل گئی ہے ۔ اس سے پہلے پیپلز پارٹی ایم پی ایز، ایم این ایز ، صوبائی وزراء کے سفارش پر ڈاکٹر ز کی فہرست بھی منظرعام پر آئی وہ امیدواروزیر محنت سعید غنی بھرتی کروائیں گے۔
