غیرقانونی یورپ بھجوانے والا گینگ بے نقابپانچ مسافروںسے پوچھ گچھ
شیئر کریں
اسمگلروں نے 25سے 35لاکھ روپے لیے ،کراچی پہنچنے والے مسافروں کا انکشاف
ایجنٹوں کی نشاندہی کے لیے پانچ مسافر انسدادِ انسانی اسمگلنگ سرکل کراچی منتقل
سمندر کے راستے شہریوں کو یورپ بھجوانے میں ملوث منظم گینگ بے نقاب ہوگیا ایف آئی اے امیگریشن نے کراچی ائیرپورٹ پر کارروائی کرتے ہوئے موریطانیہ سے کراچی پہنچنے والے 5 مسافروں سے پوچھ گچھ شروع کردی ہے ترجمان ایف آئی اے کے مطابق مسافروں کی شناخت سمیع اللہ ، داؤد اقبال، مرتضیٰ خان، شاہ ولی اور ارشد کے نام سے ہوئی مسافروں کا تعلق حافظ آباد ، گجرانوالہ اور سوات سے ہے ایجنٹوں نے مسافروں سے بالترتیب 25 اور 35 لاکھ روپے فی کس کے عوض یورپ پہنچانے کے معاملات طے کیے تھے ابتدائی تفتیش کے مطابق مسافر دبئی، سعودی عرب، قطر کے راستے موریطانیہ پہنچے تھے تاہم موریطانیہ پہنچنے پر ایجنٹوں نے مسافروں کو غیر قانونی طور یورپ بھجوانے کی کوشش کی مسافروں نے سمندر کے راستے غیر قانونی سفر کرنے سے انکار کر دیا اور واپس آ گئے ایجنٹوں کا تعلق پنجاب کے مختلف علاقوں سے ہے مسافروں کو ایجنٹوں کی نشاندہی کے لیے انسدادِ انسانی سمگلنگ سرکل کراچی منتقل کر دیا گیا ڈائریکٹر ایف آئی اے کراچی زون نے کہا کہ غیر قانونی سفری دستاویزات کی سخت جانچ پڑتال جاری ہے ۔ ایجنٹوں اور ان کے سہولت کاروں کے خلاف بلا امتیاز کارروائیاں جاری ہیں انسانی اسمگلنگ میں ملوث نیٹ ورکس کے خلاف بڑے پیمانے پر کریک ڈاؤن جاری ہے۔
