پیپلز پارٹی کو لاہور، پنجاب میں متحرک کرنے کا مشن ناکام
شیئر کریں
پارٹی رہنماوں کے درمیان اختلاف کے باعث قیادت کا دورہ لاہور بے سود رہا،بلاول کو متضاد رائے نے مشکل میں ڈال دیا
پنجاب کی تنظیمی عہدوں کا نوٹیفکیشن بھی نہ ہو سکا،گورنر پنجاب کو رہنماؤں کے درمیان اختلاف ختم کرنے کا ٹاسک سونپ دیاگیا
پیپلز پارٹی کو لاہور اور پنجاب میں متحرک کرنے کا مشن تاحال ناکام نظر آ رہا ہے، پارٹی رہنماوں کے درمیان اختلافات کے باعث قیادت کے دورہ لاہور بھی بے سود رہے۔دورہ لاہور میں پیپلز پارٹی کے لاہور سمیت پنجاب کی تنظیمی عہدوں کا نوٹیفکیشن بھی نہ ہو سکا۔تفصیلات کے مطابق ذرائع کا کہنا ہے کہ گورنر پنجاب سردار سلیم حیدر کو رہنماوں کے آپس کے اختلاف ختم کرنے کا ٹاسک سونپ دیا گیا۔پیپلز پارٹی کے چیٔرمین بلاول بھٹو کو مختلف رہنماؤں کی متضاد رائے نے مشکل میں ڈال دیا، متحدہ رہنماؤں کی تنظیمی عہدوں کی نامزدگی میں ایک دوسرے کے خلاف رائے سامنے آئی۔صدر مملکت آصف علی زرداری اور چیٔرمین بلاول بھٹو زرداری نے لاہور میں پانچ پانچ روزہ دورہ کیا۔پارٹی ذرائع کا کہنا ہے کہ پیپلز پارٹی لاہور سمیت پنجاب کے تنظیمی عہدوں کا نوٹیفیکیشن قیادت کے آئندہ دورے پر کیا جائے گا۔
