پاکستان اسٹاک ایکسچینج میں مسلسل دوسرے روز بھی مندی

ویب ڈیسک

منگل, ۱۷ مارچ ۲۰۲۰

شیئر کریں

کورونا وائرس کے پیش نظر دنیا بھر کی طرح پاکستان کی اسٹاک مارکیٹ بھی مسلسل مندی کا شکار رہی، سرمایہ کاروں کے اربوں روپے ڈوب گئے ۔منگل کے روز پاکستان اسٹاک ایکسچینج میں کاروبار کا آغاز ہوا تو ہنڈریڈ انڈیکس 33 ہزار 684 کی سطح پر موجود تھا۔ ایک وقت میں انڈیکس 33 ہزار 893 پوائنٹس پر بھی دیکھا گیا تاہم جلد ہی یہ تیزی مندی میں بدل گئی اور ہنڈریڈ انڈیکس میں 426 پوائنٹس کی کمی دیکھی گئی۔کاروبار کے دوران انڈیکس میں اتار چڑھا کا سلسلہ جاری ہے اور اس وقت ہنڈریڈ انڈیکس 33 ہزار 200 کی نفسیاتی حد پر ٹریڈ کررہا ہے ۔واضح رہے کہ گزشتہ روز بھی 2 ہزار 375 پوائنٹس کی کمی ہوئی تھی جب کہ گزشتہ 10 روز کے دوران اسٹاک ایکسچینج 3 مرتبہ کریش ہوچکی ہے ۔