فلموں میں کام کا لالچ ، لڑکیوں سے زیادتی کرنیوالے گروہ کے4 کارندے گرفتار
شیئر کریں
یرغمالیوں کے چنگل میں پھنسی لڑکی نے بہادری کی مثال قائم کرتے ہوئے لڑکیوں سے زیادتی کرنے والے گروہ کو گرفتار کرادیا ہے۔تفصیلات کے مطابق کارروائی اسلام آباد میں عمل میں لائی گئی ہے، پولیس کی جانب سے جاری بیان کے مطابق اسلام آباد پولیس کو ون فائیو پر لڑکی نے اطلاع دی کہ کچھ افراد نے اسے یرغمال بنالیا ہے، میری مدد کی جائے۔رپورٹ کے مطابق اسلام آباد پولیس حرکت میں آئی اور متعلقہ جگہ پہنچی اور کارروائی کرتے ہوئے چار ملزمان کو گرفتار کرلیا۔پولیس کی جانب سے جاری بیان میں بتایا گیا کہ دوران حراست ملزمان نے ہوشربا انکشافات کئے، ملزمان نے بتایا کہ وہ فلم میں کام کی لالچ دیکر لڑکیوں سے زیادتی کرتے ہیں، بازیاب کرائی گئی لڑکی کو فلم میں کام دینے کے لئے فیصل آباد سے بلایا گیا تھا۔اسلام آباد پولیس نے ملزمان کے خلاف مقدمہ درج کرکے مزیدتفتیش شروع کردی ہے۔
