چیمپئنز ٹرافی ،پاکستان کا دبئی کے ساتھ کولمبو پر بھی غور
شیئر کریں
چیمپئنز ٹرافی میچز کیلئے پاکستان یو اے ای کے ساتھ سری لنکا پر بھی غور کرنے لگا، پی سی بی ذرائع کے مطابق دبئی فیورٹ ہے البتہ ہم کولمبو کے آپشن کو بھی ذہن میں رکھے ہوئے ہیں۔دوسری جانب آئی سی سی اچانک سری لنکن انٹری سے واقف نہیں ہے ، ایونٹ کی تفصیلات کا اعلان اتوار یا پیر کو متوقع ہے ۔پی سی بی کی بعض اعلیٰ شخصیات ان دنوں عمرے کی ادائیگی کیلئے سعودی عرب میں موجود ہیں، ذرائع نے بتایا کہ پاکستان اور بھارتی بورڈز کے درمیان معاملات پر اتفاق ہو چکا اور گیند اب آئی سی سی کے کورٹ میں ہے ، تمام معاملات کو معاہدے کی شکل دے کر دستخط کرائے جائیں گے ،اب عالمی کونسل ہی اتوار یا پیر کو اس حوالے سے اعلان کرے گی۔ذرائع نے بتایا کہ یوں تو یو اے ای ہی بھارتی میزبانی کیلئے فیورٹ ہے لیکن ساتھ پی سی بی سری لنکا کے آپشن کا بھی جائزہ لے رہا ہے ، جہاں سے اچھی ڈیل ملی وہاں معاملات فائنل کر لیے جائیں گے ، دوسری جانب آئی سی سی اچانک سری لنکن انٹری سے واقف نہیں ہے ،اس کے مطابق دبئی ہی میچز کی میزبانی کرے گا۔
