چودھری پرویز الہٰی اڈیالہ جیل سے رہا ہوتے ہی بارہویں مرتبہ گرفتار
شیئر کریں
چودھری پرویز الہٰی کو اڈیالہ جیل سے رہا ہوتے ہی دوبارہ گرفتار کرلیا گیا۔ تفصیلات کے مطابق چودھری پرویز الہٰی کو اڈیالہ جیل سے رہا ہوتے ہی اس بار اینٹی کرپشن پنجاب کی ٹیم نے گرفتار کیا۔ ان کے وکیل سردار عبدالرزاق نے بتایا کہ پرویز الہٰی کو راہداری ریمانڈ کے لیے اڈیالہ جیل سے جوڈیشل کمپلیکس لاہور لایا جارہا تھا کہ انہیں گرفتار کرلیا گیا، واضح رہے کہ انہیں 12 ویں دفعہ گرفتار کیا گیا ہے۔ گرفتاری کے بعد پرویز الہٰی کو اسلام آباد کی مقامی عدالت میں پیش کردیا گیا جہاں اینٹی کرپشن حکام کی استدعا پر ان کا ایک روزہ راہداری ریمانڈ منظور کرلیا گیا۔ عدالت نے حکم دیا کہ انہیں کل تک متعلقہ عدالت میں پیش کیا جائے۔ اطلاعات ہیں کہ انہیں ٹرانزٹ ریمانڈ پر لاہور منتقل کیا جائے گا جس کے لیے اینٹی کرپشن سیل پرویز الہٰی کو جوڈیشل کمپلکس سے لے کر لاہور کے لیے روانہ ہو گئی۔
