ساحل کی صفائی کرنے والوں کو شنیرا اکرم کا خراج تحسین

ویب ڈیسک

پیر, ۱۶ ستمبر ۲۰۱۹

شیئر کریں

پاکستانی کرکٹ اسٹار وسیم اکرم کی اہلیہ شنیرا اکرم نے کراچی کے ساحل کی صفائی کرنے والے حکومتی اہلکاروں کو خراج تحسین پیش کیا ہے ۔ سماجی رابطے کی ویب سائٹ ٹوئٹر پرانہوں نے ٹوئٹ کرتے ہوئے کہا کہ ان سے ملیے ، یہ ہمارے ہیرو ہیں۔ جو نہایت فخر سے یونیفارم پہن کر غلاظت کے جن سے روزانہ ڈٹ کر جنگ کرتے ہیں، اس غلاظت کے جن سے جو اس شہر کو کھارہا ہے ، تاکہ ساحل پر کھیلنے والے ہمارے بچے محفوظ رہ سکیں۔انہوں نے مزید لکھا کہ یہ ایک اچھی لڑائی لڑ رہے ہیں۔واضح رہے کہ وسیم اکرم کی اہلیہ شنیرا اکرم نے کئی روز قبل ٹوئٹر پر استعمال شدہ سرنج اور ہسپتا ل کے فضلے کی ویڈیوز اور تصاویر ٹوئٹ کرتے ہوئے کراچی کی انتظامیہ سے مطالبہ کیا تھا کہ کلفٹن کا ساحل عوام کے لیے بند کر دیا جائے ۔