عالیہ حمزہ کی 5 اگست کو احتجاج نہ کرنے پر عہدہ چھوڑنے کی دھمکی
شیئر کریں
تحریک انصاف کی 5 اگست کو احتجاج کی کال پرمرکزی اور پنجاب قیادت میں اختلافات سامنے آگئے
عالیہ حمزہ نے پنجاب کی تنظیم اور عہدیداروں کو 5 اگست کے احتجاج کی تیاریوں کی ہدایت کر دی ۔ ذرائع
پاکستان تحریک انصاف (پی ٹی آئی) کی 5 اگست کو احتجاج کی کال پرمرکزی اور پنجاب قیادت میں اختلافات سامنے آگئے ہیںپنجاب کی چیف آرگنائزر نے 5 اگست کو احتجاج نہ کرنے پر عہدہ چھوڑنے کی دھمکی دی ہے۔ رپورٹ کے مطابق پی ٹی آئی کے عبوری چیٔرمین بیرسٹر گوہر، وزیراعلیٰ خیبرپختونخوا علی امین گنڈاپور سمیت دیگر مرکزی رہنما 90 دن میں فائنل احتجاج کی کال پر قائم ہیں، پنجاب کی چیف آرگنائزر عالیہ حمزہ 5 اگست کو فائنل کال کے موقف پر ڈٹ گئی ہیں اس سے قبل اطلاعات سامنے آئی تھیں کہ پاکستان تحریک انصاف 5 اگست کو سابق وزیراعظم عمران خان کی گرفتاری کے 2 سال مکمل ہونے پر ملک گیر احتجاج کا اعلان کرے گی۔ذرائع کا کہنا ہے کہ پی ٹی آئی کی مرکزی اور پنجاب کی قیادت اپنے اپنے موقف کے ساتھ آمنے سامنے آگئی ہیں، پی ٹی آئی پنجاب کی چیف آرگنائزر عالیہ حمزہ کا کہنا ہے کہ پارٹی کو 5 اگست کے احتجاج پر قائم رہنا چاہیے، پنجاب میں وہ 5 اگست کو احتجاج کی کال دے سکتی ہیں۔ ذرائع کا کہنا ہے کہ عالیہ حمزہ نے پنجاب کی تنظیم اور عہدیداروں کو 5 اگست کے احتجاج کی تیاریوں کی ہدایت بھی کر دی ہے دوسری جانب بیرسٹر گوہر، علی امین گنڈاپور سمیت دیگر رہنما 90 دن میں فائنل کال کا موقف اپنائے ہوئے ہیں تاہم پنجاب کی چیف آرگنائزر نے احتجاج نہ کرنے پر عہدہ چھوڑنیکی دھمکی دے دی ہے۔مرکزی قیادت نے مقامی عہدیداروں کی خواہش کے مطابق احتجاج میں شرکت کی یقین دہانی کروائی ہے پاکستان تحریک انصاف کے بانی چیٔرمین عمران خان کے پیغام پر ان کی ہمشیرہ علیمہ خان نے 5 اگست کو احتجاج کا اعلان کر رکھا ہے ۔
