70فیصد فیڈرلوڈ شیڈنگ سے مستثنیٰ،30فیصد فیڈر پر چوری کی وجہ سے لوڈ شیڈنگ
شیئر کریں
سندھ ہائیکورٹ میں بجلی کی لوڈشیڈنگ کے خاتمے سے متعلق کے الیکٹرک نے جواب جمع کرادیا سندھ ہائی کورٹ میں ہیٹ ویو میں بجلی کی لوڈ شیڈنگ کے خاتمے سے متعلق جماعت اسلامی کی درخواست پر سماعت ہوئی دوران سماعت کے الیکٹرک جواب کے مطابق کراچی میں ہمارے ستر فیصد فیڈرز لوڈ شیڈنگ سے مستثنیٰ ہیں صرف تیس فیصد فیڈرز پر چوری اور کنڈے کے خلاف کارروائی کے دوران بجلی کی فراہمی متاثر ہوسکتی ہے کے الیکٹرک نے دعوے کیا کہ چوبیس جون سے ستائیس جون تک جن علاقوں میں درجہ حرارت پینتالیس ڈگری سینٹی گریڈ محسوس کیا گیا وہاں ڈیڑھ بجے سے ساڑھے چار بجے تک لوڈشیڈنگ نہیں کی گئی بجلی کی پیداوار بڑھانے کے لیے منصوبہ نیپرا کے حوالے کردیا ہے اس منصوبے کے تحت دوہزار انتیس اور دو ہزار تیس تک پچانوے فیصد فیڈرز پر لوڈ شیڈنگ نہیں ہوگی کے الیکٹرک کی جانب سے ہیٹ ویو کے دوران مختلف علاقوں میں ریلیف کیمپ لگائے گئے تھے ریلیف کیمپوں میں صاف پانی فراہم کیا گیا تھا جماعت اسلامی کی جانب سے استدعا کی گئی کہ کے الیکٹرک کو بالخصوص ہیٹ ویو میں بلا تعطل بجلی فراہم کرنے کی ہدایت کی جائے ،درخواست امیر جماعت اسلامی کراچی منعم ظفر ،اپوزیشن لیڈر کے ایم سی سیف الدین کی جانب سے دائر کی گئی ہے عدالت نے کے الیکٹرک کے جواب پر دلائل طلب کرتے ہوئے مزید سماعت اکیس اگست تک ملتوی کردی
