مویشی منڈی لاکھوں جانوروں سے کھچا کھچ بھر گئی،خریداروں کاہجوم
شیئر کریں
سپرہائی وے پر قائم ملک کی سب سے بڑی مویشی منڈی میں جانوروں کی آمد کا سلسلہ جاری ہے اور اب تک مختلف اقسام کے 6لاکھ جانور یہاں لائے جاچکے ہیں۔کراچی کی سپر ہائی وے پر قائم ایشیا کی سب سے بڑی مویشی منڈی میں قربانی کے جانوروں کو لانے کا سلسلہ جاری ہے۔ جہاں 6لاکھ سے زائد جانور لائے گئے ہیں۔ منڈی میں بغیر ماسک داخلے کی اجازت نہیں ہوگی۔سپرہائی وے پر قائم عارضی مویشی منڈی کی رونق ہر گزرتے دن کے ساتھ بڑھ رہی ہے، منڈی کا باقاعدہ افتتاح بھی کیا گیا تھا، جس کے بعد گجرانوالہ، راجن ہور، شیخوپورہ، رحیم یارخان، اوکاڑہ، میرپور خاص، نوشہرو فیروز، حیدرآباد، کوئٹہ اور سبی سمیت کئی شہروں سے6 لاکھ سے زائد قربانی کے جانور پہنچادیے گئے ہیں۔مویشی منڈی انتظامیہ کی جانب سے رین ایمرجنسی کے تحت ریسکیو ٹیمیں الرٹ کردی گئی ہیں جو بارش کے بعد پیدا ہونے والی صورتحال کے بعد ضروری اقدامات کررہی ہیں۔مویشی منڈی کو خوبصورتی، قیمت اور رنگ کے لحاظ سے اسے مختلف بلاکس میں تقسیم کیا گیا ہے،جہاں خریداروں کو پہلے آئے پہلے پایئے کی بنیاد پر ایڈجسٹ کر رہے ہیں۔بیوپاریوں کا کہنا ہے کہ سپرہائی وے کی منڈی میں ہر سہولت مل رہی ہے اور جانوروں کے اچھے دام مل جاتے ہیں، جس کی وجہ سے ہم ہر سال کراچی کا رخ کرتے ہیں۔اس حوالے سے مویشی منڈی کی انتظامیہ کا کہنا ہے کہ شہریوں کو ٹوکن دے کر عید قرباں تک جانور مویشی منڈی میں کھڑا کرنے کی سہولت بھی دی گئی ہے۔گزشتہ روز ہونے والی بارش کے باعث اپنے جانور کی صحت کے حوالے سے پریشان شہریوں نے مختلف اسٹالز پر سیکڑوں مویشی امانتا رکھوا دئیے۔مویشی منڈی کی انتظامیہ کے مطابق منڈی کے مختلف بیوپاریوں کے پاس 62 گائے اور بیل بطور امانت موجود ہیں، کورونا ماسک کے بغیر مویشی منڈی آنے والوں پر جرمانے بھی عائد کیے جائیں گے۔
