موسم کی خرابی آپریشنل وجوہات، کراچی سے جانیوالی 16 پروازیں منسوخ

ویب ڈیسک

منگل, ۱۵ اکتوبر ۲۰۲۴

شیئر کریں

کراچی میں موسم کی خرابی اور آپریشنل وجوہات کے باعث جناح انٹرنیشنل ایئرپورٹ سے جانے والی ملکی اور غیرملکی ایئرلائنز کی 16 پروازیں منسوخ کردی گئیں۔ پی آئی اے کی کراچی سے دیگر شہروں کو جانے والی چھ پروازیں جبکہ نجی ائیر لائنز کی پانچ پروازیں منسوخ کردی گئیں۔ پی آئی اے کی کراچی سے جدہ اور کراچی سے گوادر کی پرواز یں منسوخ ہوئیں۔ نجی ائیر کی کراچی سے تہران کی پرواز بھی منسوخ کردی گئی۔ ایئرپورٹ ذرائع کے مطابق پی آئی اے کی کراچی سے فیصل آباد کی پرواز آدھا گھنٹہ تاخیر سیروانہ کی گئی۔ نجی ائیرلائن کی کراچی سے دوحہ۔ کراچی سے کوئٹہ اور کراچی سے لاہور کی پرواز منسوخ کردی گئی۔ پی آئی اے کی کراچی کوئٹہ کی پرواز۔ نجی ائیر لائن کی کراچی سے اسلام آباد۔ کراچی سے لاہور اور پی آئی اے کی کراچی سے سکھر کی پرواز بھی منسوخ کردی گئی۔