انگلینڈ کی کرکٹ ٹیم کی پاکستان آمد، سیکورٹی کے سخت انتظامات
شیئر کریں
انگلینڈ کرکٹ ٹیم پاکستان کے خلاف سات ٹی ٹوئنٹی انٹرنیشنل میچوں کی سیریز کھیلنے کے لیے جمعرات کو پاکستان پہنچ گئی ہے۔ پہلے چار میچوں کی میزبانی نیشنل اسٹیڈیم کراچی کرے گا جبکہ باقی تین میچز قذافی اسٹیڈیم لاہور میں کھیلے جائیں گے۔ انگلینڈ اور پاکستان کے مابین سات میچز پر مشتمل سیریز 20 ستمبر سے شروع ہوگی جب کہ 20 ستمبر کو ہونے والے میچ کی تمام رقم وزیراعظم فنڈ ریلیف میں عطیہ کی جائے گی تاہم پہلا میچ منگل کو نیشنل اسٹیڈیم میں کھیلا جائے گا۔ ڈائریکٹر کمرشل عثمان وحید کے مطابق کراچی میں ہونے والا پہلا ٹی ٹوئنٹی میچ سیلاب سے متاثرہ افراد کی مدد کے لیے اہم کردار ادا کرے گا۔ انہوں نے کہا کہ شائقین اس میچ کی ٹکٹ خرید کر وزیر اعظم کے سیلاب ریلیف فنڈ میں رقم عطیہ کرنے میں پی سی بی کی مدد کرسکتے ہیں۔ خیال رہے کہ انگلینڈ کرکٹ ٹیم 17 سال بعد پاکستان کا دورہ کررہی ہے اور یہ میچ اکتوبر میں ہونے والے آئی سی سی مینز ٹی ٹوئنٹی ورلڈ کپ کے لیے اہم ہیں۔
