رافیل ڈیل میں 41 ہزار کروڑ کی کرپشن، بھارت میں نیا تنازع
شیئر کریں
فرانس سے ڈیل میں مودی کے قریبی ساتھی انیل امبانی کو ناجائز فائدہ دیا گیا
ڈیل میں امبانی کو شامل کرنے کے لیے فرانس حکومت پر بھارت نے دبا ؤڈالا
رافیل طیاروں کے سودے پر ایک بار پھر سیاسی گرما گرمی عروج پر پہنچ گئی ہے ۔ میڈیارپورٹس کے مطابق کانگریس کے سینئر رہنما رندیپ سنگھ سرجیوالا اور سنجے نروپم نے حکومت پر کڑی تنقید کرتے ہوئے کہا ہے کہ مودی سرکار اور ڈسالٹ ایوی ایشن کے سی ای او ایرک ٹراپئر کا انٹرویو صرف ایک”پی آر اسٹنٹ”ہے جو سچ کو چھپانے کی ناکام کوشش ہے ۔رندیپ سنگھ کا کہنا تھاڈکٹیشن پر مبنی انٹرویوز اور گھڑی ہوئی باتیں رافیل اسکینڈل کو دبا نہیں سکتیں۔ قوم کو بدلتی وضاحت نہیں، شفاف تحقیقات کی ضرورت ہے ۔انہوں نے کہا کہ قانون کے مطابق فائدہ اٹھانے والے ملزم کے بیانات کی قانونی حیثیت ہوتی ہے ، نہ وہ خود ہی جج بن سکتے ہیں۔رندیپ سنگھ نے الزام لگایا کہ مودی حکومت اور ڈسالٹ کے درمیان طے شدہ میچ کے تحت عوام کو گمراہ کیا جا رہا ہے ۔کانگریس رہنما سنجے نروپم نے کہا رافیل ڈیل میں تقریبا 41 ہزار کروڑ روپے کی کرپشن کی گئی ہے ، اور آج تک اس سودے کی اصل قیمت عوام کو نہیں بتائی گئی۔انہوں نے مزید الزام لگایااس ڈیل میں مودی کے قریبی ساتھی انیل امبانی کو ناجائز فائدہ دیا گیا، اور فرانس حکومت پر بھارت کی طرف سے دبا ؤڈالا گیا۔ ڈسالٹ کے اندرونی کاغذات میں درج ہے کہ اگر امبانی کو شامل نہ کیا گیا تو کانٹریکٹ نہیں ملے گا۔
