مکہ مکرمہ میں ماحول دوست ٹیکسی سروس کا آغاز کردیاگیا
شیئر کریں
مکہ مکرمہ : مکہ مکرمہ میں ماحول دوست ٹیکسی سروس کا آغازکردیاگیا۔
سعودی عرب کی رائل کمیشن اتھارٹی برائے مکہ مکرمہ اور مشاعر مقدسہ نے کہا ہے کہ ماحول دوست”مکہ مکرمہ ٹیکسی”سروس کا آغاز مرحلہ وارکیا گیا ہے جو ہفتے کے ساتوں دن اور24 گھنٹے دستیاب ہو گی۔
زرائع کے مطابق اتھارٹی کے حوالے سے بتایاگیا کہ مکہ مکرمہ کے 47 مقامات جن میں مسجد الحرام کے اطراف کا مرکزی علاقہ اور دیگر اہم پوائنٹس شامل ہیں ، میں یہ ٹرانسپورٹ سروس پہلے مرحلے میں شروع کی جارہی ہے ـ
ٹیکسی کے کنٹریکٹرز کے پاس ان مخصوص گاڑیوں کا بڑا بیڑا موجود ہے جن کی ٹرانسپورٹ جنرل اتھارٹی کی جانب سے ٹرانسپورٹیشن کے حوالے سے معیاری خدمات کی فراہمی کیلئے منظوری جاری کی گئی ہے۔
بتایاگیاکہ مسافروں کو ادائیگی کیلئے متعدد آپشن دئیے گئے ہیں جن میں نقد اور کریڈیٹ کارڈز کے ذریعے ادائیگی کی سہولت شامل ہے،گاڑیوں میں موجود ڈیجیٹل میٹرز کے علاوہ مسافر اور ڈرائیوروں کے تحفظ کا سسٹم بھی موجود ہے جس میں نگرانی کیلئے سی سی کیمرے گاڑی کے اندر نصب ہیں ،ہنگامی حالت میں فوری رابطے کاسسٹم بھی موجود ہے۔
