اثاثوں کی تفصیلات جمع نہ کرانے والے 356 اراکین کی رکنیت معطلی کا فیصلہ

ویب ڈیسک

بدھ, ۱۵ جنوری ۲۰۲۰

شیئر کریں

الیکشن کمیشن کا اثاثوں کی تفصیلات جمع نہ کرانے والے اراکین اسمبلی کیخلاف ایکشن، 356اراکین کی اسمبلی اور سینیٹ کی رکنیت معطل کرنے کا فیصلہ کر لیا گیا۔الیکشن کمیشن آف پاکستان کی جانب سے کہا گیا ہے کہ اثاثوں کی تفصیلات جمع کرانے کیلئے 31 دسمبر کی ڈیڈ لائن دی گئی تھی لیکن اس کے باوجود اراکین نے تفصیلات جمع نہیں کرائیں۔ای سی پی کی جانب سے جاری تفصیلات میں بتایا گیا ہے کہ 1195 اراکین میں سے صرف 838اراکین نے اثاثوں کی تفصیلات جمع کرائیں۔جن اراکین نے اثاثوں کی تفصیل جمع نہیں کرائی ان میں قومی اسمبلی کے 98، پنجاب اسمبلی کے 122 اور سندھ اسمبلی کے 40 اراکین شامل ہیں۔اس کے علاوہ بلوچستان اسمبلی کے 22، خیبر پختونخوا اسمبلی کے 61اور سینیٹ کے 13اراکین نے اثاثوں کی تفصیلات جمع نہیں کرائیں۔