ایم کیوایم کافاروق ستارکومیئرکراچی بنانے کامنصوبہ
شیئر کریں
(رپورٹ :شعیب مختار)میئر کراچی کی دوڑ میں سیاسی و مذہبی جماعتوں کے سرکردہ چہرے سامنے آگئے جماعت اسلامی کی جانب سے حافظ نعیم الرحمان کو بطور میئر امیدوار نامزد کرنے کی حکمت عملی سامنے آنے پر ایم کیو ایم پاکستان نے فاروق ستار کو میدان میں اتارنے کا منصوبہ تیار کر لیا، آئندہ چند روز میں پارٹی میں واپسی میں متوقع۔ ذرائع کے مطابق عامر لیاقت کی وفات کے بعد این اے 245کی خالی نشست پر ایم کیو ایم پاکستان تنظیم بحالی کمیٹی کے سربراہ فاروق ستار کی ایم کیو ایم کے امیدوار معید انور کے حق میں دستبرداری کے بعد ایم کیو ایم قیادت نے فاروق ستار کو پارٹی کی جانب سے میئر کراچی کا امیدوار نامزد کرنے پر مشاورت کا آغاز کر دیا ہے اس سلسلے میں سینئر رہنماؤں کی جانب سے فاروق ستار کو بلدیاتی انتخابات میں گہری دلچسپی لینے پر انہیں میئر کراچی کا امیدوار نامزد کرنے کی تجویز دی جا رہی ہے۔ فاروق ستار کی جانب سے چند روز قبل بلدیاتی انتخابات میں بھرپور حصہ لینے کے لیے نوجوان کارکنان پر مشتمل’’ آزاد پاکستان پینل ‘‘ تشکیل دیا گیا ہے جسے ایم کیو ایم قیادت پارٹی کے حق میں تحلیل کروانا چاہتی ہے آئندہ چند روز میں فاروق ستار کو ایم کیو ایم کی جانب سے میئر کراچی کا امیدوار نامزد کرنے کی پیشکش کی جائے گی ممکنہ طور پر جلد ان کی ایم کیو ایم میں واپسی کا امکان ہے۔واضح رہے فاروق ستار 1988سے 1992تک بطور میئر کراچی خدمات انجام دے چکے ہیں۔
