برطانیہ کے لیے جاسوسی کا الزام، ایران کے سابق نائب وزیر دفاع کو پھانسی دے دی گئی
جرات ڈیسک
هفته, ۱۴ جنوری ۲۰۲۳
شیئر کریں
ایران میں برطانوی شہریت رکھنے والے سابق نائب و زیر دفاع علی رضا اکبری کو پھانسی دے دی گئی۔ ایرانی عدلیہ کے مطابق علی رضا اکبری کو برطانیہ کے لیے جاسوسی کے الزام میں سزائے موت دی گئی، اس کے علاوہ علی رضا اکبری پر جوہری سائنسدان محسن فخری زادے کے قتل میں کردار ادا کرنے کا الزام بھی تھا۔ غیر ملکی میڈیا کے مطابق علی رضا اکبری سابق نائب وزیر دفاع بھی تھے، انہیں 2019 میں گرفتار کیا گیا تھا اور بدھ کے روز سزائے موت سنائی گئی تھی۔ غیر ملکی میڈیا کے مطابق برطانیہ نے علی رضا اکبری کی سزائے موت کو سیاسی محرک قرار دے کر فوری رہائی کا مطالبہ کیا تھا۔
