اعجاز چودھری کے جوڈیشل ریمانڈ میں 14 دن کی توسیع
جرات ڈیسک
هفته, ۱۲ اگست ۲۰۲۳
شیئر کریں
لاہور کی انسدادِ دہشت گردی عدالت نے تحریک انصاف کے رہنما اعجاز چودھری کے جوڈیشل ریمانڈ میں 14 دن کی توسیع کرتے ہوئے انہیں 26 اگست کو دوبارہ پیش کرنے کا حکم دے دیا۔ اعجاز چودھری پر 9 مئی کو گاڑیاں جلانے کے 2 مقدمات ہیں۔ علاوہ ازیں لاہور کی انسدادِ دہشت گردی عدالت میں جناح ہاؤس حملہ اور جلا ؤ گھیراؤ کے مقدمے پر خواتین سمیت گرفتار تمام ملزمان کے بھی جوڈیشل ریمانڈ میں 14 دن کی توسیع کردی گئی۔ عدالت نے ملزمان کو 26 اگست کو دوبارہ پیش کرنے کا حکم دیا ہے۔ ملزمان کے خلاف تھانہ سرور روڈ پولیس نے مقدمہ درج کر رکھا ہے۔
