آغا سراج درانی کی تینوں بیٹیوں کو بیرون ملک جانے کی مشروط اجازت

جرات ڈیسک

بدھ, ۱۲ جولائی ۲۰۲۳

شیئر کریں

کراچی کی احتساب عدالت نے اسپیکر سندھ اسمبلی آغا سراج درانی کی تینوں بیٹیوں کو بیرون ملک جانے کی مشروط اجازت دے دی ہے۔بدھ کواحتساب عدالت میں اسپیکر سندھ اسمبلی آغا سراج درانی کیخلاف آمدن سے زائد اثاثے بنانے کے ریفرنس پر سماعت ہوئی۔آغا سراج درانی کی بیٹیوں نے درخواست میں موقف اپنایا کہ بائیس جولائی کو امریکا میں کزن کی شادی میں جانا ہے، تقریب میں شر کت کیلیے امریکا جانے کی اجازت دی جائے۔عدالت نے اسپیکر کی تینوں بیٹیوں کو بیرون ملک سفر کرنے کی اجازت دیتے ہوئے کہا کہ ایک ماہ میں بیرون ملک سے وطن واپس آکرعدالت میں پیش ہوجائیے گا۔یاد رہے کہ آمدن سے زائد اثاثہ ریفرنس میں آغا سراج کی بیٹیاں سارا، سونیہ، شاہانہ بھی نامزد ہیں۔ عدالت نے تینیوں بیٹیوں کو پانچ پانچ لاکھ روپے کے زر ضمانت جمع کرانے کا حکم بھی دیا۔