وزیراعظم شہباز شریف نے باضابط ذمہ داریاں سنبھال لیں، دفتری اوقات تبدیل
شیئر کریں
نومنتخب وزیراعظم شہباز شریف نے باضابط ذمہ داریاں سنبھال لیں، سرکاری دفتری اوقات تبدیل کردیے ، سرکاری دفاتر میں اب ہفتے میں صرف ایک تعطیل ہوگی۔ منگل کو نومنتخب وزیراعظم شہباز شریف مقررہ سرکاری دفتری اوقات سے پہلے ہی صبح 8 بجے دفتر پہنچ گئے، وزیراعظم آفس کے افسران اور عملے کی دوڑیں لگ گئیں، رمضان المبارک میں سرکاری اوقات کار کے مطابق صبح 10 بجے دفاتر کھلنے کا وقت مقرر ہے، وزیراعظم شہباز شریف نے سرکاری دفاتر کے اوقاتِ کار میں تبدیلی کر دی، دفتر 10 بجے کے بجائے صبح 8 بجے کام شروع کریں گے ۔وزیراعظم شہباز شریف نے ہفتے میں 2 سرکاری تعطیلات ختم کر دیں، سرکاری دفاتر میں اب ہفتے میں صرف ایک تعطیل ہوگی،وزیراعظم شہباز شریف کا آفس سنبھالتے ہی عوام کے ریلیف کے اعلانات پر عملدرآمد کا آغاز کیا اورگزشتہ روز قومی اسمبلی میں کئے گئے اپنے اعلانات پر عملدرآمد کے احکامات جاری کر دئیے،رمضان المبارک کے دوران سستے بازاروں میں معیاری اور کم دام پر اشیا کی فراہمی یقینی بنانے کا حکم دیدیا ، رمضان بازاروں کی سخت مانیٹرنگ یقینی بنانے کی ہدایت کردی ۔اس موقع پر وزیر اعظم نے کہا کہ عوام کو سستی اشیاء کی فراہمی میں غفلت برداشت نہیں کروں گا ۔دوسری جانب وزیر اعظم شہباز شریف نے پینشنرز کی پینشن میں اضافے، کم از اکم اجرت 25 ہزار کرنے کے اعلانات پر فی الفور عمل درآمد کا حکم بھی جاری کردیا ،وزیراعظم شہباز شریف سے وزیراعظم آفس کے افسران اور عملے کا تعارف کرایا گیا ،اس موقع پر وزیر اعظم شہبازشریف نے کہا کہ کمر کس لیں، عوام کی خدمت کے لئے آئے ہیں، ایک لمحہ مزید ضائع نہیں کرنا،ایمان داری، شفافیت، مستعدی، انتھک محنت ہمارے رہنما اصول ہیں۔
