خود ساختہ مہنگائی عروج پر،مٹن، بیف،چکن کی قیمتیں بے قابو
شیئر کریں
شہری خود پریشان ، شہر بھر میں گوشت فروشوں کی من مانے نرخ وصولی
انتظامیہ کی کارروائیاں بے سود، سرکاری نرخنامے پر عملدرآمد نہیں ہو رہا
شہری خود ساختہ مہنگائی سے پریشان ہیں، دکانوں پر مٹن، بیف اور چکن کی قیمتیں بے قابو ہو گئیں جبکہ ضلعی انتظامیہ کی کارروائیاں مؤثر دکھائی نہیں دے رہیں۔ شہر بھر میں گوشت کی قیمتوں میں ہوشربا اضافہ دیکھنے میں آ رہا ہے، معیاری مٹن 2700 سے بڑھ کر 3200 روپے فی کلو تک فروخت ہو رہا ہے، جبکہ معیاری بیف کی قیمت 1200 سے 1400 روپے فی کلو تک پہنچ گئی ہے۔ شہریوں کا کہنا ہے کہ گوشت فروش من مانے نرخ وصول کر رہے ہیں اور سرکاری نرخنامے پر عملدرآمد نہیں ہو رہا۔ دوسری جانب بعض ڈیپارٹمنٹل اسٹورز پر غیر معیاری مٹن اور بیف فروخت کیے جانے کی بھی شکایات سامنے آئی ہیں۔ ادھر مرغی کے گوشت کی قیمت میں بھی 7 روپے فی کلو اضافہ ہو گیا ہے، جس کے بعد چکن 482 روپے فی کلو میں فروخت کیا جا رہا ہے۔
