(بلدیاتی افسران کا کرشمہ )وصول شدہ محصولات سے سرکاری خزانہ محروم
شیئر کریں
مختلف ٹاؤن میں حاصل کیے گئے ٹیکس کے کروڑوں روپے جمع نہیں کروائے گئے ،تحقیقات کا مطالبہ
ٹاؤن افسران کا جواب دینے سے گریز ،ذمہ داران کا تعین کرنے کی سفارش حکام بالہ کو بھجوادی گئی
کراچی ڈویژن کے بلدیاتی ادارے ٹیکس کے کروڑوں روپے سرکاری خزانے میں جمع کروانے میں ناکام ہو گئے، اعلی حکام نے ذمہ دار افسران کا تعین کرنے کی سفارش کی ہے۔ جرات کی رپورٹ کے مطابق کراچی میونسپل کارپوریشن کے ماتحت ٹاون میونسپل کارپوریشن منگھو پیر 7 کروڑ 70 لاکھ روپے، لانڈھی 10 لاکھ روپے، کورنگی 20 لاکھ، لیاری 50 لاکھ روپے، شاہ فیصل ٹاؤن 30 لاکھ، صدر ٹان 70 لاکھ روپے، جناح ٹاون 40 لاکھ، ملیر ٹاون 60 لاکھ، سہراب گوٹھ ٹاون 30 لاکھ روپے، صفورہ ٹاون 50 لاکھ روپے، مومن آباد ٹاون 30 لاکھ روپے اور اورنگی ٹاون 10 لاکھ روپے ٹیکس وصول کیا گیا۔ کراچی میونسپل کارپوریشن کے ماتحت ٹاون کے ا فسران نے کروڑوں روپے ٹیکس کی رقوم سرکاری خزانے میں جمع نہیں کروائی۔ افسران کا کہنا ہے کہ ٹاونز میں وصول کی گئی رقم افسران کی مبینہ کرپشن کو ظاہر کرتی ہے۔ اعلی حکام نے منگھو پیر، صدر، لیاری، لانڈھی، صفورہ اور دیگر ٹاون کے افسران کو آگاہ کیا لیکن افسران نے کوئی جواب نہیں دیا، جس پر اعلی حکام نے سفارش کی ہے کہ ٹیکس کے کروڑوں روپے جمع نہ کروانے والے ذمہ دار افسران کا تعین کرنے کی سفارش کی ہے۔
