آئی سی سی نے ون ڈے کی نئی رینکنگ جاری کردی
شیئر کریں
ون ڈے بیٹرز رینکنگ میں بھارت کے شبھمن گل پہلے ،پاکستان کے بابر اعظم دوسرے نمبر پر
آل راؤنڈرز میں افغانستان کیے عظمت اللہ عمر زئی اوربولرز میں سری لنکن مہیش تھیکشانا کا پہلا نمبر
انٹرنیشنل کرکٹ کونسل (آئی سی سی) کی جانب سے جاری کردہ ون ڈے رینکنگ میں محمد رضوان کی ترقی ہوئی ہے۔آئی سی سی ون ڈے بیٹرز رینکنگ میں بھارت کے شبھمن گل پہلی پوزیشن پر برقرار جبکہ پاکستان کے بابر اعظم دوسرے نمبر پر براجمان ہیں، روہت شرما تیسرے، ہینرک کلاسن چوتھے اور ویرات کوہلی کی پانچویں نمبر پر موجود ہیں۔محمد رضوان کی رینکنگ میں دو درجے بہتری ہوئی ہے وہ 21ویں نمبر پر آگئے ہیں جبکہ فخر زمان دو درجے تنزلی کے بعد 23ویں نمبر پر چلے گئے۔ون ڈے آل راؤنڈرز میں افغانستان کے عظمت اللہ عمر زئی کی پہلے نمبر پر موجود ہیں۔ون ڈے بولرز میں سری لنکا کے مہیش تھیکشانا پہلے نمبر پر براجمان ہیں۔ بھارت کے کلدیپ یادیو کی دوسری پوزیشن برقرار ہے۔افغانستان کے راشد خان ایک درجے بہتری کے بعد 5 ویں نمبر پر آگئے ہیں۔ نیوزی لینڈ کے مچل سینٹنر دو درجے تنزلی کے بعد چھٹے نمبر پر چلے گئے ہیں۔شاہین آفریدی ایک درجے تنزلی کے بعد 12 ویں نمبر پر چلے گئے ہیں جب کہ حارث رؤف دو درجے تنزلی کے بعد 24 ویں نمبر پر چلے گئے ہیں۔
