سنی اتحاد کے سربراہ صاحبزادہ حامد رضا کے گھر پر چھاپہ

ویب ڈیسک

منگل, ۱۱ مارچ ۲۰۲۵

شیئر کریں

چھاپہ کی وجہ سے پارلیمانی کمیٹی میں تاخیر سے پہنچا،مجھے جو پیغام دیا وہ موصول ہوگیا
عمران خان کے ساتھ کھڑا ہوں، آئندہ چھاپہ مارا تو واپس نہیں جانے دیا جائے گا، گفتگو

سنی اتحاد کونسل کے سربراہ صاحبزادہ حامد رضا نے دعویٰ کیا ہے کہ پارلیمنٹ کے مشترکہ اجلاس سے قبل ان کے گھر پر چھاپہ مارا گیا۔ صاحبزادہ حامد رضا نے پارلیمنٹ ہاؤس میں میڈیا سے گفتگو کرتے ہوئے کہا کہ میرے گھر پر چھاپہ پڑنے کی وجہ سے میں پارلیمانی کمیٹی میں تاخیر سے پہنچا، مجھے پیغام پہنچانے کی جو کوشش کی گئی وہ مجھے موصول ہوگیا۔صاحبزادہ حامد رضا نے کہا کہ میں بانی پی ٹی آئی کے ساتھ کھڑا ہوں، آئندہ میرے گھر پر بغیر اطلاع کے چھاپہ مارا گیا تو واپس نہیں جانے دیا جائے گا۔